الرحامنة: التخييم للجميع بإستثناء أطفال الشوارع اللي في وضعية صعبة…

أطلقت قبل أيام عملية التخييم للجميع اللي حضرها عامل الرحامنة، باش وليدات الرحامنة يمشيو للمخيم يصيفوا و يكسروا الروتين القاتل اللي كيعيشوه طوال السنة بابن جرير و الرحامنة عموما، العملية برمتها مولها الفوسفاط، بدون الدخول إلى حيثيات كيفية تسجيل و انتقاء هاد الأطفال. اليوم في سط المدينة القلب النابض و مرآتها، كاين واحد المجموعة من الأطفال بما يسمون أطفال الشوارع إناث و ذكور كيقطعو في القلب يمتهنون التسول و يمدون أيديهم للمارة لعل و عسى شي محسين يعطيهم شي درهم، و هادشي أمام السلطات، حتى لهنا مغاديش نتكلمو على حماية الطفولة و حقوق الطفل في شموليته، و كذلك أطفال أخرين يمتهنون مهن ثانوية كبيع كلينكس و مسح الأحذية… في العطلة لتوفير بعض الدراهم لاقتناء اللوازم المدرسية. غير سؤال بسيط نطرحوه على أهل الحل و العقد واش هاد الأطفال كان الأجدر أنهم يكونوا من بين المستفيدين و هادا أبسط حق يمكن ليهم يستافدوا منو، ما دامو مواطنين مغاربة أو أنهم مواطنين من الدجة الثانية أو الثالثة؟ بغينا جواب…