قائمة طعام

الحصول على عاشر

خاصو يطير من بلاصتو والداخلية تعتاذر. عامل ايفران: جمعو حوايجكم راه اللي غادي نلقاه هنا غدا غادي يمشي للحبس واش الحبس تاع باك. كيفاش هاد رجل الداخلية كيهين دولة الحق والقانون ومغرب دستور 2011

image
وصف

كود هناء ابو علي ///

فضيحة كبيرة خاص كاع المحروكين على دولة الحق والقانون فالمغرب دارها عبد الحميد المزيد٬ عامل ايفران. هادي يومين تنشر فيديو صورو هاد العامل كيدور فمناطق سياحية بهاد المدينة الجميلة. فكرة ديال التواصل مزيانة. غير هو قودها فكلشي.

نبداو بالشكل. باش تصور فيديو وكتبين باللي انت ما فراسك والو خاصك تكون قاديتي اللباس والطريقة الكلام وامور كثيرة. لابس كرافاطا يعني لبسة الخدمة ومدور بيك كاع المسؤولين معيقة وبزاف. ايلى بغيتي تبين باللي خدام كاينة امور كثيرة كنتي ديرها. خرج سبور بلا رجالات السلطة. بين باللي قريب من المواطن ماشي بينك وبينو جيش عرمرم. وتا شكون انت.

الخطير ماشي الشكل اللي بين رجل سلطوي يحن لدولة الغاب ماشي دولة الحق والقانون٬ بل المضمون اللي جا على فمو. الفيلم اللي دارو كيخلع وخاصو يخلع كاع لمغاربة. واش حنا فدولة الحق والقانون واستقلالية النيابة العامة عن السياسي واستقلالية القضاء ودولة الحق والقانون اللي جا فيها دستور 2011 ولا دولة كلشي كيتعلق فيها. كيفاش يجي عامل فهاد الزمان ويقول “جمعو حوايجكم راه اللي غادي نلقاه هنا غدا غادي يمشي للحبس” ما فراسناش باللي يا السي العامل عندك بوحدك فالمغرب اتفاقية حصرية مع مندوبية السجون اللي كيرأسها محمد سالم التامك وفيها باللي عندك حبس تحت امرك دخل فيه اللي بغيتي. ونوض من الگلبة والتسطلية.

خرجتي طبيعتك ضد القضاء. كيفاش تديهم للحبس وفين القضاء. علاش عندنا كاع هاد الشي كولو ايلى جا واحد بحالك ودخل الناس للحبس.

هادي اهانة للدولة المغربية وبحالك خاصو يتقال اليوم قبل غدا اللي دارو هاد العامل اخطر بكثير من هاداك العامل اللي شبه الراحل عبد الله باها بالكلب فطار مباشرة من بلاصتو. هادا سب الدولة كلها.

هاد الشي بلا ما نهدرو على السب والقذف بوصف مغاربة بالكيادر. حمير كاع. وبزاف. هاد الاشارات كتخلع. كتخلع وبزاف. التساهل معاها تطبيع مع سلوك جديد لرجالات الداخلية. يرجعو المغرب لسنوات الرصاص.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *